हरिनगर । सुनसरीको वराहक्षेत्र नगरपालिकाले भोलि शुक्रवार आदिवासी जनजाति उराँव जातिको महान् पर्व करम पूजा कर्माधर्मा को अवसरमा स्थानिय बिदा दिएको छ ।
नगरपालिकाको वडा नं ६,८,९,१० र ११ मा उराँव जातिहरूको बसोबास रहेको र उक्त जातिको महान् पर्व करम पूजा कर्माधर्मा को अवसरमा हार्दिक शुभकामना व्यक्त गर्दै स्थानिय बिदा दिने निर्णय गरेको नगरपालिका निमित्त प्रमुख प्रशासकीय अधिकृत देवेन्द्रबहादुर मल्लले जानकारी गराएका छन् ।
निमित्त प्रमुख प्रशासकीय अधिकृत मल्लका अनुसार वराहक्षेत्र नगरपालिकाको सार्वजनिक बिदा घोषणा सम्बन्धी कार्यविधि २०७६ को दफा ३ (१०) बमोजिम स्थानिय बिदा दिइएको हो ।
