देवानगञ्ज । सुनसरीको हरिनगर गाउँपालिका वडा नं. ४ हरिनगरा स्थित रहेको प्राथमिक स्वास्थ्य केन्द्र प्राङ्गणमा जिवन विकास लघुवित्त वित्तीय संस्था लिमिटेड हरिनगर शाखाको आयोजनामा नि:शुल्क आँखा जाँच शिविर सम्पन्न भएको छ ।
हरिनगरा प्राथमिक स्वास्थ्य केन्द्र सह-आयोजक रहेको उक्त शिविरमा रामलाल गोल्छा आँखा अस्पताल, बिराटनगरले प्रविधिक सहयोग गरेको थियो ।
बिहिबार सम्पन्न भएको उत्त नि: शुल्क आँखा जाँच शिविरमा ३२० जना स्थानीयले आँखा जाँच गराएका थिए जस मध्ये ५७ जना मोतियाबिन्दुको बिरामी फेला परेको थियो ।
मोतियाबिन्दु भएको ५७ जनालाई नि:शुल्क सल्यक्रियाको लागि रामलाल गोल्छा आँखा अस्पतालबिराटनगर पठाईएको छ।
