तस्विर : नमो अनलाइन
देवानगञ्ज। सुनसरी स्थित देवानगञ्ज गाउँपालिका वडा नं. ६ ठाकुरबारी चौक जिराेगुवामा अवस्थित श्री रामजानकी मन्दिरमा नवनिर्मित समुदायक भवनको उद्घाटन सम्पन्न भएको छ।
विवाहपञ्चमीको अवसर पारेर एक कार्यक्रमको आयोजना गर्दै उक्त सामुदायिक भवनको उद्घाटन कोशी प्रदेश सभा सदस्य तथा पूर्व कृषि राज्यमन्त्री रामप्रसाद मेहताले गरेका थिए।
कोशी प्रदेश अन्तरगतको शहरी विकास कार्यालय विराटनगरको ३५ लाख लागतमा भवन निर्माण गरिएको हो।
कार्यक्रममा बोल्दै प्रमुख अतिथि कोशी प्रदेश सभा सदस्य रामप्रसाद मेहताले समुदायिक भवन निर्माण भए पछि मन्दिरको विकासले गति लिने बताए। आगामी दिनमा मन्दिरको थप विकासका लागि प्रदेश र संघबाट आवश्यक बजेट उपलब्ध गराउन पहल गर्ने प्रतिबद्धता व्यक्त गरे। उनले निर्माण समितिका अध्यक्ष तथा स्थानीयवासीलाई यस भवन निर्माण कार्यलाई सफलतापूर्वक सम्पन्न गरेकाेमा धन्यवाद समेत दिएका थिए।
विशिष्ट अतिथि देवानगञ्ज गाउँपालिकाका अध्यक्ष वेचनप्रसाद मेहताले समुदायक भवन निर्माणले मन्दिरमा आउने भक्तजनहरूलाई बस्न सहज हुने, विविन्न धार्मिक कृयाकलाप गर्न सहज हुने साथै आगन्तुक भक्तजनको संख्यामा वृद्धि हुनेमा आफु विश्वस्त रहेको बताए। उनले आगामी आर्थिक बर्षमा बजेट छुट्याएर मन्दिर परिसरमा विवाहमण्डप निर्माण गर्ने प्रतिबद्धता समेत व्यक्त गरे।
त्यस्तै वडा अध्यक्ष हरिनन्दन मेहताले समुदायिक भवनले धार्मिक गतिविधि तथा सामाजिक कार्यक्रमहरुको आयोजना गर्न सहज हुने बताउँदै भवन निर्माणमा सहयोग गर्नुहुने सबैलाई धन्यवाद व्यक्त गरे।
सामुदायिक भवन निर्माण समितिका अध्यक्ष शिवनारायण मेहताले मन्दिरलाई विद्युतीय ढोलक प्रदान गरेका थिए।
उक्त कार्यक्रममा देवानगञ्ज गाउँपालिका वडा नं. २ का वडा अध्यक्ष जगन्नारायण मेहता, नेकपा एमाले देवानगञ्जका पार्टी अध्यक्ष आलम अन्सारी, मन्दिर व्यवस्थापन समितिका अध्यक्ष विष्णुप्रसाद मण्डल, महानन्द मण्डल, र अन्य स्थानीय नेता तथा सामाजिक अगुवाहरूको समेत उपस्थिति रहेकाे थियो।
भवनको निर्माणले स्थानियहरु उत्साहित भएका छन्। सानो तिनो कार्यक्रम गर्न, १० जना भेला हुने कुनै सार्वजनिक ठाउँ न हुंदा निकै अप्ठ्यारो भईरहेको थियो अव ति समस्याको समाधान भएको स्थानियहरूले बताए।
