तस्विर : ब्रहमदेव मेहता/नमो अनलाईन
हरिनगर । राधाकृष्ण जन्माष्टमीको अवसरमा हरिनगरको प्रसिद्ध माहाविर बजरंगवली मन्दिरबाट दोस्रो रथयात्रा निकालिने भएको छ । धार्मिक परम्परा अनुसार श्रीकृष्ण जन्माष्टमीको भोलि पल्ट श्रीकृष्ण रथयात्रा निकाल्ने चलन छ । सोही बमोजिम भगवान राधा र कृष्णको मूर्तिलाई विशेष रूपमा सजाइएको रथमा राखेर नगरभरि परिक्रमा गरिनेछ। रथयात्रा हरिनगरको मुख्य मन्दिरबाट सुरु भएर नगरका प्रमुख सडकहरू हुँदै विभिन्न स्थानसम्म पुर्याइनेछ। यस क्रममा, श्रद्धालुहरूले रथमा फुलको वर्षा गर्ने, आरती गर्ने, र भगवानलाई मिष्ठान्न प्रसाद अर्पण गर्ने तयारी गरेको छ।
हरिनगरकोको ऐतिहासीक एवं धरोहरको रुपमा रहेको माहाविर बजरंगवली मन्दिरबाट श्री कृष्ण जन्माष्टमीको अवसरमा वृहत्त रथ यात्रा निकिलिने समितिका अध्यक्ष मनोज राउतले जानकारी दिनुभयो। गत वर्षदेखि सुरु भएको रथ यात्रालाई यसवर्ष निरन्तरता दिँदै थप भव्य रुपमा रथयात्रा निकालिने तयारी भइरहेको अध्यक्ष राउतले बताए। गत वर्ष रथयात्राका लागि स्थानीय दाताहरूले दान स्वरुप गरेको आर्थिक सहयोगले समितिले बनाएको पुरानो रथलाई थप रंगरोगन, सजावट गरी व्यवस्थित गर्ने काम भइरहेको उनले बताए।
रथयात्रालाई सभ्य र भव्य बनाउनका लागि ७१ सदस्य रथयात्रा समन्वय तथा व्यवस्थापन समिति समेत गठन भएको समितिका सदस्य सुभाष देवले जानकारी दिए।
हरिनगर लगायत आसपासकाका भक्तजनहरुलाई उत्साहका साथ रथयात्रामा सहभागी हुन समितिले आग्रह गरेका छन् । रथयात्रामा सहभागी भएर भजन कीर्तन गाएर रथलाई तानी भगवानको महिमा गर्न अग्रह गरेको हो।
