तस्विर : नमो अनलाईन
हरिनगर । सुनसरीको धरान उप महानगरपालिकाबाट चोरीको नगद सहित एक जना पक्राउ परेको छ ।
हार्डवेयर पसलमा काम गर्ने मोरङको रंगेली नगरपालिका वडा नं. ५ घर भएका २२ बर्षको दिपक कुमार ऋषिदेवलाई ईलाका प्रहरी कार्यालय धरानबाट खटिएको प्रहरी टोलीले पक्राउ गरेको हो ।
शनिबारका बेलुका धरान उप महानगरपालिका वडा नं. १ पृथ्बीमार्ग स्थित अनुप कुमार अग्रवालले संचालन गरेको हनुमन्त हार्डवेयरबाट लकर ९भल्ब ० काटी नगद पैसा चोरी भएको थियो । ईलाका प्रहरी कार्यालय धरानबाट खटिएका प्रहरी टोलिले सोही हार्डवेयर पसलमा काम गर्ने मोरङको रंगेली नगरपालिका वडा नं. ५ बस्ने बर्ष २२ को दिपक कुमार ऋषिदेवलाई नियन्त्रणमा लिई सोधपुछ गर्दा चोरी गरेको नगद लुकाएको स्थान देखाएको थियो।
सोही घरको गेट अगाडि सटर माथी कालो प्लाष्टिकमा पोको पारी राखेको रु.२,९४,८५०।– (दुई लाख चौरानब्बे हजार आठ सय पच्चास) र घरको दोश्रो तल्लामा रहेको फ्रिज मुनी राखेको रु.१,८६,०००।–(एक लाख छ्यासी हजार) फेला पारी जम्मा रु। ४,८०,८५०।– (चार लाख अस्सी हजार आठ सय पच्चास) नगद रकम सहित उक्त व्यक्तिलाई नियन्त्रणमा लिई इलाका प्रहरी कार्यालय धरान सुनसरीमा ल्याई थप अनुसन्धान गरिरहेको प्रहरीले जानकारी दिएका छन्।
