तस्विर : ब्रहमदेव मेहता/नमो अनलाईन
देवानगञ्ज । नेकपा एमाले सुनसरी जिल्ला पार्टी अध्यक्ष तथा कोशी प्रदेश सभा सदस्य रेवतिरमन भण्डारीले सुनसरीको दक्षिणि भेगमा पार्टीको संस्थापकका रुपमा रहेका महादेव मेताको निधन प्रति श्रद्धाञ्जली व्यक्त गरेका छन् ।
बुधबार साँझको समयमा ७० वर्षको उमेरमा निधन भएका मेहताको मंगलबार अन्तिम संस्कारको क्रममा श्रद्धाञ्जली अर्पण गर्दै प्रदेश सभा सदस्य भण्डारीले शोकाकुल परिवारमा समवेदना प्रकट गरेका हुन् ।
प्रदेश सभा सदस्य भण्डारीले भने “साविका कप्तानगञ्ज गाविसका नेकपा एमालेका संस्थापक, याहाँका पार्टी जन्माउने एउटा महत्वपुर्ण व्यत्ति, यहाँका नेता स्वर्गीय महादेव मेहताको हिजो जुन स्वार्गरोहण हुनुभयो, उहाँको स्वार्गरोहणले सुनसरीका सबै नेता कार्यकर्तालाई चिन्तित बनाएको छ । यसमा पनि खासगरी साविक कप्तानगञ्ज गाविका पार्टी संस्थापक नेता गुमाउँदा हामी दुखी छौँ । उहाँको पार्टी प्रतिको लगावको सम्मान व्यत्त गर्दै परिवाजन प्रति समेत उच्चसम्मान व्यत्त गर्दछु ।” उहाँले गरेको असल कामहरुको अनुसरण गर्दै अगाडी बढ्ने प्रतिबद्धता समेत व्यत्त गरेका छन् ।
