तस्विर : नमो अनलाईन
इनरुवा । सुनसरी सदरमुकाम समेत रहेको इनरुवा नगरपालिकाका प्रमुख केदार भण्डारीले खोप केन्द्रको अनुगमन गर्नुभएको छ ।
नगरपालिकाले नगर क्षेत्र भित्रका ९ महिना देखि ५ बर्ष सम्मका बालबालिकालाई लक्षित गरेर आयोजना गरेको दादुरा–रुवेला खोप केन्द्रको अनुगमन गर्नुभएको हो ।
इनरुवा ५ स्थित सुर्य किरण एकेडमीमा रहेको खोप केन्द्रमा गएर नगर प्रमुख भण्डारीले अनुगमन गर्नुभएको इनरुवा नगरपालिकाका स्वास्थ्य शाखा प्रमुख निखिल पोखरेलले जानकारी दिनुभयो ।
नगर प्रमुख भण्डारीले अनुगमनका क्रममा बालबालिकाले लगाएको खोप, छुट भएको बालबालिकाको अवस्था, लगाउनका लागि बाकी रहेका बालबालिकाको संख्या लगायतका बिषयमा जानकारी लिनुभएको थियो ।
सरकारले लक्ष्य निर्धाण गरेको उमेर समुहका बालबालिका नछुटने हिसाबले खोप अभियान सञ्चालन गर्नका लागि इनरुवा नगरपालिकाका प्रमुख केदार भण्डारीले स्वास्थ्यकर्मीलाई निर्देशन दिनुभयो ।
नगर क्षेत्रमा रहेका सरकारले उमेर समुह तय गरेका सम्पूर्ण बालबालिकालाई दादुरा–रुवेला बिरुद्धको खोप लगाउनका लागि आग्रह गर्नुभयो ।
अनुगमनका क्रममा इनरुवा नगरपालिकाका स्वास्थ्य शाखाका प्रमुख निखिल पोखरेल, स्वास्थ्य शाखाका सन्तोष देव, मिश्रीलाल मेहता लगायतको सहभागीता रहेको थियो ।
