तस्विर : नमो अनलाईन
इनरुवा । सुनसरी सरमुकाम समेत रहेको इनरुवा नगरपालिकाले हेल्थ पोष्ट देखि पश्चिम जानेबाटोमा नाला निर्माणको कार्य सम्पन्न गरेको छ ।
नगरपालिकाले चालु आर्थिक बर्ष २०८०÷८१ को बजेटबाट १ हेल्थ पोष्ट देखि पश्चिम जानेबाटोमा पक्की नाला निर्माणको कार्य सम्पन्न गरेको इनरुवा नगरपालिकाका प्रमुख केदार भण्डारीले जानकारी दिनुभयो ।
नगरपालिकाले साथी कन्ट्रक्सन एण्ड सप्लार्यस इनरुवासंग ५ लाख ४९ हजार ५५२ रुपैयाँ २४ पैसाको लागतमा नाला निर्माणको कार्य सम्पन्न गरेको प्रमुख भण्डारीले बताउनुभयो ।
पक्की नाला निर्माण भएपछि स्थानीयवासीलाई पानी निकासका लागि सहज भएको स्थानीयको भनाई रहेको छ । नाला नहुदा पानी निकासका लागि निकै समस्या हुदै आएकोमा नगरपालिकाले नाला निर्माण गरेपछि सहज भएको स्थानीयवासीको भनाई रहेको छ ।
नाला नभएका कारणले बर्षाको समयमा आउने बाढीको पानी र घरबाट निस्कने पानी बग्नका लागि समस्या हुदै आएको थियो । तर नाला निर्माण भएपछि समस्याबाट मुक्त भएको स्थानीयवासीको भनाई रहेको छ । पछिल्लो सयम इनरुवा नगरपालिकाले गरेको कार्य सराहनीय रहेको स्थानीयवासीको दाबी रहेको छ ।
बाहिरमा बिभिन्न किसिमको हल्ला गरेको जस्तो नभइ इनरुवा नगरपालिकाले राम्रोसंग काम गरिररहेको स्थानीयवासीको भनाई रहेको छ ।
इनरुवा नगरपालिकाको बजेटले भ्याए सम्म इनरुवा १० वटै वडामा बिभिन्न विकास निर्माणको कार्य गर्नुका साथै अन्य क्षेत्रमा समेत काम गरिरहेको स्थानीयवासीको भनाई रहेको छ ।
