बिराटनगर । समाजसेवी अभिषेक गिरीले विराटनगर १८ मा रहेको श्री जनक आधारभुत विद्यालयलाइ पंखा वितरण गरेका छन् । गिरीले आज विद्यालयले गरेको एक कार्यक्रमका अवसरमा ४५ हजार रकम बराबरको पंखा वितरण गरेका हुन् ।
विराटनगर लगायत तराईका ठाउँमा केहि साता अत्याधिक गर्मि बढेसंगै विद्यालयहरु केहिदिन विदा गरिएको थियो । विराटनगर १८ मा रहेको श्री जनक आधारभुत विद्यालयका विद्यार्थीहरु विना पंखा अत्याधिक गर्मि सहेर अध्ययन गर्दे आइरहेका थिए । विद्यालयको कुनै पनी कक्षा कोठामा पंखा नभएका कारण विद्यालयले विहानको कक्षा संचालन गर्दे आइरहेको थियो ।
विद्यालयले आयोजना गरेको कार्यक्रममा प्रमुख अतिथी मोरङ क्षेत्र नम्बर ५ ९ख० का संसद माननिय अमृत अर्याल र समाजसेवी अभिषेक गिरीले संयुक्त रुपमा विद्यालयलाइ पंखा वितरण गरेका थिए । कार्यक्रमकै अवसरमा संसद अर्यालले विराटनगर १८ मा मा।वि विद्यालय नभएको र मा।वि विद्यालय बनाउन आफु लागिरहेको बताएका छन् । साथै उनले पछिल्लो समय गिरीले समाजका लागि राम्रा कार्य गर्दे आइरहेको र समाजसेवामा लाग्न आफुले संधै प्रेरित गरिरहेने बताए ।
विद्यालय वा अन्य कुनै पनी क्षेत्रमा आफुले सहयोग गर्नु पर्ने भए आफु तयार रहेको गिरिले बताए । उनले समाजसेवामा आफु लागिरहेको र आफुले समाजका लागि राम्रो कार्य गर्दे अगाडि बढ्ने बताए ।
कार्यक्रममा विराटनगर १८ का वडाध्यक्ष, विद्यालय ब्यवस्थापन समितीका अध्यक्ष, विद्यालयका प्रध्यानाध्यापक , शिक्षक शिक्षिकाहरुको उपस्थिती रहेको थियो ।
