तस्विर : नमो अनलाईन
इनरुवा । सुनसरी सदरमुकाम समेत रहेको इनरुवा नगरपालिकाका प्रमुख केदार भण्डारीले दादुरा–रुवेला बिरुद्धको खोप अभियानमा सबैलाई सहभागी हुन आह्वान गर्नुभएको छ ।
सुनसरी सदरमुकाम इनरुवा–१० जल्पापुरबाट मङगलबार खोप अभियान कार्यक्रमको उदघाटन कार्यक्रमलाई सम्बोधन गर्नुहुदै नगरप्र्रमुख भण्डारीले यस्तो आह्वान गर्नुभएको हो । उहाँले खोप लगाएपछि बालबालिकालाई रोग नलाग्ने भएकाले सबैलाई यो अभियान कार्यक्रममा सहभागीताका लागि आग्रह गर्नुभयो ।
खोप लगाएको खण्डमा बालबालिकामा समान्य समस्या देखापरेपनि अन्य कुनै किसिमको समस्या नहुने समेत उहाँले बिश्वास दिलाउनुभयो । बालबालिका आउने दिनको अभिव्य भएको बताउनुहुदै बिभिन्न रोगबाट मुक्ति पाउन र रोग लागन नदिनका लागि खोप कार्यक्रम उपयोगी भएको बताउनुभयो ।
उहाँले नगरपालिकाले बालबालिकाको स्वास्थ्यलाई मध्यनजर गर्दै खोप अभिायन कार्यक्रम सञ्चालन गरेको बेलामा ९ महिना देखि १५ बर्ष सम्मका उमेर समुहका आफ्ना बालबालिकालाई खोप लगाउनका लागि आग्रह गर्नुहुदै गाउँ समाजमा रहेका र लगाउन नपाएका बालबालिकालाई समेत खोप लाउनका लागि ल्याउन अपिल गर्नुभयो ।
नगर क्षेत्रमा रहेका सम्पूर्ण स्वास्थ्य संस्थामा सरकारले निःशुल्क रुपमा दिदै आएको औषधी व्यवस्था गरेको समेत प्रमुख भण्डारीले जानकारी दिनुभयो ।
पछिल्लो समय नगरपालिकाले नगर क्षेत्रमा रहेका बिभिन्न समस्याको समाधान गर्दै अगाडि बढेको बताउनुहुदै कुनै समस्या भएको खण्डमा नगरपालिकामा आउनका लागि समेत नगरवासीलाई आग्रह गर्नुभयो ।
कार्यक्रममा इनरुवा नगरपालिकाका स्वास्थ्य शाखा प्रमुख निखिल पोखरेल, स्वास्थ्य शाखाका सन्तोष देव, मिश्रिलाल मेहता लगायतको सहभागीता रहेको थियो ।
