तस्विर : फाईल
इनरुवा । सुनसरीको इटहरीमा गएराति भएको आगलागीमा परि एक जनाको मृत्यु भएको छ ।
मृत्यु हुनेमा इटहरी–६ का ५२ बर्षीया गोपी माया कटुवाल रहेको सुनसरीका प्रहरी नायव उपरीक्षक नविनकृष्ण भण्डारीले जानकारी दिनुभयो । स्थानीय विष्णु खड्काको घरमा भएको आगलागीमा कटुवालको मृत्यु भएको प्रहरीले जनाएको छ ।
कटुवाल छोरा बुहारीसँग डेरामा बस्दै आएकी थिइन । छोरा बुहारीसँग बस्दै आएकी कटुवालले आफैले आगो लगाएको हुन सक्ने प्रहरीको प्रारम्भिक अनुमान रहेको छ । कटुवाल पहिले देखिनै मानसिक चिन्ता सम्बन्धी औषधी सेवान गर्दै आउनुभएको र कोठामा एकलै सुतेका बेलामा भित्रबाट कोठा बन्द रहेको थियो ।
छोरा बुहारी सुतेको कोठामा ताला लगाएर कट्टुवालले कोठामा आगो लगाएको हुन सक्ने प्रहरीको अनुमान रहेको छ । घटनाको बिषयमा अनुशन्धान भइरहेको जिल्ला प्रहरी कार्यालय सुनसरीले जनाएको छ । आगलागीबाट कटुवाल सुतेको कोठामा मात्रै क्षति भएको प्रहरीले जनाएको छ ।
