तस्विर : फाईल
इनरुवा । सुनसरीको बराहक्षेत्र नगरपालिका–९ राजाबासबाट ४०६ केजी गाँजा सहित मङगलबार दुई जना पक्राउ परेका छन् ।
पक्राउ पर्नेमा धरान–४ का २५ बर्षिय सुर्य राई र भोजपुर हतुवागढी गाउपालिका–८ का २७ बर्षिय लक्ष्मण राई रहेको सुनसरीका प्रहरी नायव उपरीक्षक नविनकृष्ण भण्डारीले जानकारी दिनुभयो ।
बिषेश सूचनाको आधारमा ईलाका प्रहरी कार्यालय महेन्द्रनगरबाट खटिएको प्रहरीको टोलीले प्रदेश ०१–०२–००१ ज ४०५० नम्वरको सवारीसधानलाई चेकजाच गर्ने क्रममा गाँजा बरामद भएको उहाँले बताउनुभयो ।
गाडिमा चेकजाचका क्रममा प्लाष्टिकले प्याक गरेको १३ बोरामा जम्मा ४०६ केजी ९४० ग्राम लागु औषध गाँजा बरामद भएको प्रहरी नायव उपरीक्षक भण्डारीले बताउनुभयो । पक्राउ परेकाको बिषयमा थप अनुशन्धान भइरहेको जिल्ला प्रहरी कार्यालय सुनसरीले जनाएको छ ।
सुनसरी प्रहरीले एक हप्तामा करिव १ हजार केजी गाँजा बरामद गरेको प्रहरी नायव उपरीक्षक भण्डारीले बताउनुभयो ।
