तस्विर : नमो अनलाईन
विराटनगर । मोरङको विराटनगर महानगरपालिका-१० स्थित रहेको श्री नारायण आधारभूत विद्यालयको व्यवस्थापन समितिको अध्यक्षमा समाजिक अभियन्ता अभिषेक गिरि सर्वसम्मत चयन भएका छन् ।
पछिल्लो समय बिभिन्न अभियानमा लागेर समाज सेवामा सक्रिय रहेका गिरि बिहीबार विद्यालय व्यवस्थापन समितिको अध्यक्षमा सर्वसम्मत रूपमा चयन भएका हुन् ।
धेरै दिन देखि व्यवस्थापन समिति विहिन रहेको उक्त विद्यालयमा गिरीको प्रवेश पछि समिति गठन हुन् सम्भव भएको शिक्षकहरुले बताएका छन् ।
व्यवस्थापन समिति नहुँदा उत्पन्न कठिनाइ हटाएर गिरि नेतृत्वको समितिले शैक्षिक गुणस्तर सुधारमा निकै सहयोग पुग्ने कुरामा आफु विश्वस्त रहेको विद्यालयका प्रधानाध्यापक राम भट्टराईले बताउनु भयो ।
यता गिरि आफु सरकारी विद्यालयको शैक्षिक गुणस्तर सुधार गर्ने अभियान चलाई रहेकोले यस विद्यालयको जिम्मेवारी झन शैक्षिक गुणस्तर सुधारमा कुनै कसर नछोड्ने प्रतिबद्धता जनाएका छन् ।
