तस्विर : नमो अनलाईन
देवानगञ्ज । सुनसरीको सिमावर्ती क्षेत्र देवानगञ्ज गाउँपालिका वडा नं. – ३ स्थित रहेको श्री माध्यमिक विद्यालय पाँचौसिम्मरका सुकुम्बासी समुदायका विद्यार्थीहरुलाई न्यानो लुगा बितरण गरिएको छ ।
जन्मथलो देवानगञ्ज भएको तर हाल अमेरिकी नागरिक भएर अमेरिकामा बसोवास गर्दै आइरहेका दुई सहयोगी युवाहरु प्रमोद मेहता र प्रकाश मेहताकोको आर्थिक सहयोगमा हिन्दू स्वयंसेवक संघ नेपाल, देवानगञ्जको आयोजनामा सुकुम्बासी ६५ जना बिद्यार्थीहरुलाई स्विटर र ७ जना बृद्धहरुलाई बल्यांकेट बितरण गरेको हो ।
समाजिक तथा धार्मिक कार्यमा सदैव सक्रिय रहेको हिन्दू स्वयंसेवक संघ नेपाल, देवानगञ्जले जाडो छल्न का लागि बिद्यार्थी तथा वृद्धहरु लाई न्यानो लुगा बितरण गरिएको सुनसरी जिल्ला स-कार्यवाह एवं शिक्षक शन्तकुमार मेहताले जानकारी दिनुभयो ।
त्यस्तै हिन्दू स्वयंसेवक संघ नेपाल, बिराटनगर बिभाग कार्यवाह श्रवण कुमार यादवले संघ परिचय राखेका थिए।
देवानगञ्ज – ३ का वडाअध्यक्ष अनिल भगतको प्रमुख अतिथि रहेको उक्त वितरण कार्यक्रम श्री माध्यमिक विद्यालय पाँचौसिम्मरका प्रअ जयनन्दन् शर्माको अध्यक्षतामा सम्पन्न भएको थियो । जसमा स्थानीय समाजसेवी, बुद्धिजीवि तथा संघका पदाधिकारीहरूको उपस्थिति रहेको थियो ।
