तस्विर : अजय मण्डल/नमो अनलाईन
हरिनगर । सुनसरीको सिमावर्ती क्षेत्र हरिनगर गाउँपालिका – ३ गौतमपुरमा एक दिने नि:शुल्क स्वास्थ्य शिविर तथा रक्तदान कार्यक्रम सम्पन्न भएकाे छ ।
मानव स्वास्थ्य संरक्षण तथा अनुसन्धान समाज नेपालको आयोजना हरिनगर ३ नः वडा कार्यालय गौतमपुरको सह-आयोजना र नवप्रतिभा कृषि सहकारी संस्था लि को संयोजकमा एवं मित्रता मेडिकल हल, बिराटनगर (नोवेल हस्पिटल गेट अगाडि) र शिवशान्ति हेल्थकेयर सेन्टर हरिनगराको प्राविधिक सहयोगमा एक दिने निःशुल्क स्वास्थ्य शिविर (whole body checkup,) सँगै रक्तदान कार्यक्रम सम्पन्न भएको हो ।
पशुपति शिक्षा मन्दिर, हरिनगर-३ गौतमपुरको प्राङ्गणमा सम्पन्न भएको उक्त शिविरमा आँखा जाँच, दाँत जाँच गरिएको थियो तथा स्त्री रोग विशेषज्ञ डाक्टर , वरिष्ट फिजिशियन, मेडिकल अफिसर, यूरो सर्जन लगायतका विशेषग्य डाक्टरहरुद्वार सेवा लिन आएका गाउँवासिको चेकजाँच गरि नि:शुल्क औंसधी समेत वितरण गरिएको युवा सामाजसेवी दिलिप मेहताले बताए ।
उक्त कार्यक्रममा ३४ जनाले रक्तदान गरेको थियो भने १९५ जनाले नि:शुल्क स्वास्थ्य जाँच गराएको शिवशान्ति हेल्थकेयर सेन्टर हरिनगराका सञ्चालक जयप्रकाश मेहता (जेपी) ले जानकारी दिनुभयो ।
हरिनगर गाउँपालिका वडा नं. ३ वडा अध्यक्ष अरबिन्द मेहताले युवाहरुले गरेको काम प्रति खुसी व्यक्त गर्दै आगामी दिनमा समेत साथ सहयोग गर्ने प्रतिबद्धता व्यक्त गरेका थिए ।
उक्त कार्यक्रममा रक्तदान गरेकाहरुलाई प्रमाण पत्र प्रदान गरेका थिए भने आफ्नो अमुल्य समय दिएर बिभिन्न ठाउँबाट आएका मेडिकल टिमहरुलाई आयोजकले सम्मान समेत गरेका थिए ।
