तस्विर : ब्रहमदेव मेहता/नमो अनलाईन
हरिनगर । सुनसरीको सिमावर्ती क्षेत्र हरिनगर गाउँपालिकाले दिनहुँ बढ्दै गई रहेको सडक दुर्घटनामा कमी ल्याउन तथा निगरानी राख्नका लागि सडक छेउ सि सि क्यामरा जडान गर्ने भएको छ ।
सडकमा सवारी साधनहरुको गति नियन्त्रण , सवारीसाधनहरुको नम्बर प्लेट चिन्हित गर्न , गाडी पहिचान गर्न , जिप , कार ,मोटरसाइकल ,वा टिपर लगायत सबै गतिबिधी दिउँसो र राती समेत रेकर्ड गरिने खालको एटोमेटिक नाईट भिजन सि सि क्यामरा जडान गर्न लागिएको अध्यक्ष गफार अन्सारीले नमो अनलाईन सँगको कुराकानीमा बताउनु भयो ।
गाउँपालिका भित्र पर्ने हुलाकी सडक लाई पहिलो प्राथमिकतामा राखि रामनगर भुटाहा बजारको हनुमान मन्दिर , शिव मन्दिर , हरिनगराको शिव मन्दिर, भुटाहा घुस्की सडक खण्ड , हरिनगर गाउँपालिकाको कार्यालय छेउ लगायतको ठाउँहरुमा पहिलो चरणमा राखिने भएको छ । विस्तारै हरिनगर बजार र घुस्की बजारमा समेत राखिने योजना रहेको अध्यक्ष अन्सारीले बताउनु भयो । पालिका अध्यक्ष अन्सारी , जिल्ला प्रहरी कार्यालय सुनसरीका डिएसपी कृष्ण भण्डारी र प्रावधिक टोलीले क्यामरा राख्ने ठाउँको बुधबार स्थलगत निरीक्षण गरेका छन् । बिहिबार देखि नै सि सि क्यामरा जडान हुने पालिकाले जनाएको छ ।
स्थानिय प्रहरी निकायले क्यामराको कन्टोल गर्ने गरी जडान गर्न लागिएको सि सि क्यामराले यस क्षेत्रमा हुने चोरी , तस्करी मा समेत नियण्त्रं गर्न सकिने योजना रहेको छ ।
