ब्रहमदेव मेहता
हरिनगर । हरिनगरामा रहेको उपयुक्त कृषि सहकारी संस्था लिमिटेडको ९ औं बार्षिक साधारण सभा सम्पन भएको छ ।
हरिनगर गाउँपालिका वडा नं. – ४ हरिनगरा स्थित रहेको हरिनगरा माध्यमिक विद्यालयको सभाहलमा गाउँपालिकाकी उपाध्यक्ष रिमझिम कुमारी भगतको प्रमुख आतिथ्यमा सभाको आयोजना गर्दै आर्थिक बर्ष २०८०/०८१ को लेखापरीक्षण प्रतिवेदन प्रस्तुत गर्दै साधारण सभा सम्पन भएको हो।
सभामा संस्थाका अध्यक्ष सहदेव मण्डलले सञ्चालक समितिको तर्फबाट आर्थिक बर्ष २०८०/०८१ को वार्षिक प्रगति प्रतिवेदन, लेखापरीक्षण प्रतिवेदन तथा आव २०८१/०८२ को लागि नीति तथा कार्यक्रम, लक्ष्य र बजेट प्रस्तुत गरेका थिए। जम्मा २१७ जना बचत कर्ता रहेको संस्थाको आर्थिक वर्ष २०८०/०८१ मा सेयर पुँजीतर्फ १६ लाख उनन्चालिस हजार रूपैयाँ कायम हुन गएको उल्लेख गरिएको थियो ।
संस्थाको जम्मा कारोबार १ करोड २८ लाख ९४ हजार ४ सय ५५ रुपैया रहेकोमा संस्थाले बचततर्फ ९५ लाख ६० हजार ४ सय ९५ रुपैया संकलन गरेको छ भने ऋण लगानी तर्फ संस्थाले १ करोड ६ लाख ३३ हजार ८ सय ८४ रुपैया लगानी गरेको छ।
सहकारीहरुको हरिविजोग भई रहेको वेला उपयुक्त सहकारी संस्था लिमिटेडले एउटा नमुना सहकारी बन्ने तर्फ अग्रसर रहेको कार्यक्रममा बोल्दै वक्ताहरुले बता
एका थिए।
