तस्विर : नमो अनलाईन
देवानगञ्ज । सुनसरीको सीमावर्ती क्षेत्र देवानगञ्ज गाउँपालिका, गाउँ कार्यपालिकाको आयोजनामा एक दिने सरसफाई कार्यक्रम सम्पन्न भएको छ।
नेपालीहरूको महानचाड विजयादशमीको पहिलो दिन घटस्थापना पूर्व आफ्नो ठाउँ आफै सफा गरौँ भन्ने मूलनाराका साथ इलाका प्रहरी कार्यालय देवानगञ्ज र सशस्त्र प्रहरी बल कप्तानगञ्ज सँगको सहकार्यमा सरसफाई गरिएको हो।
देमानगज गाउँपालिकाको प्रशासनिक भवन प्राङ्गणदेखि सफाई गर्न सुरु गरेर प्रशासनिक भवनको छेउमै रहेको दुर्गा मन्दिरको प्राङ्गण, पुरानो इलाका प्रहरी कार्यालय परिसर सफा गर्दै बाटोको छेउछाउ रहेको फोहोर सफा गर्दै देवानगञ्ज बजार स्थित रहेको काली मन्दिर र रामजानकी मन्दिरसम्म सरसफाई गर्दै स्थानीयहरूलाई आफ्नो ठाउँ आफैं सफा गर्नुपर्छ भन्ने सन्देश दिँदै सरसफाई कार्यक्रम सम्पन्न गरिएको देवानगञ्ज गाउँपालिकाका प्रमुख प्रशासकीय अधिकृत सुधीर साफीले जानकारी दिनुभयो।
उक्त सरसफाई कार्यक्रममा पालीकाकी उपाध्यक्ष कुमारी बिभा यादव, प्रमुख प्रशासकीय अधिकृत सुधीर साफी, देवानगज गाउँपालिका वडा नम्बर २ का वडा अध्यक्ष जगनारायण मेहेता, वडा नम्बर ३ का अध्यक्ष अनिल भगत, पालिकाका सूचना प्रविधि अधिकृत जनार्दन मेहता, इलाका प्रहरी कार्यालय देवानगञ्जका प्रमुख कमल बिष्ट, सशस्त्र प्रहरी बल कप्तानगञ्जका प्रमुख वीरेन्द्र खनाललगायतको उपस्थिती रहेको थियो ।
