तस्विर : नमो अनलाईन
भक्तपुर । भक्तपुरमा एउटा पुल ठेक्का लागेको दुुई वर्षपछि शिलान्यास गरिएको छ । जिल्लाको सुर्यविनायक नगरपालिका वडा नंं. ४ र ७ लाई जोड्ने महादेव खोलाको पुल निर्माणका लागि २०७८ सालमा टेण्डर भई ठेक्का लागेपनि अहिले शिलान्यास गरिएको हो ।
१५ मिटर लम्बाई र ११ मिटर चौडाईमा निर्माण हुने पुल निर्माणका लागि भौतिक पुर्वाधार मन्त्रालय अन्तर्गतको सडक डिभिजन कार्यालय भक्तपुरले दुई करोड ९४ लाख रुपैयाँमा ठेक्का लगाएको थियो। सो पुलको शुक्रवार मात्र प्रदेश सांसद किरण थापाले शिलान्यास शिलान्यास गरे। शिलान्यास समारोहलाई सम्बोधनगर्दै सांसद थापाले पुल निर्माण सम्पन्न भएपछि सुर्यविनायक नगरपालिकाका मात्र नभएर काठमाडौं ललितपुर हुँदै वैकल्पिक मार्गहुँदै काभ्रे जाने यात्रुलाई समेत सुविधा पुग्ने बताए ।
शिलान्यास समारोहमा पुर्व मन्त्री एवं एमाले महेश बस्नेत, जिल्ला समन्वय समितिका प्रमुख इश्वर थापा, सुर्यविनायक नगरपालिका वडा नं.४ का अध्यक्ष लक्ष्छुराम न्यौपाने, वडा नं. ७ का अध्यक्ष रबिन्द्र सापकोटा लगायतले पुल निर्माणसंगै यस क्षेत्रका स्थानीयवासीलाई ठुलो फाइदा पुुग्ने बिचार व्यक्त गरेका थिए । शिलान्यास भएसंगै निर्माण शुरु गरिएको पुल एक वर्षभित्रमै सम्पन्न गर्नेगरी कामगर्ने निर्माण कम्पनिले जनाएको छ ।
