देवानगञ्ज । ‘जलवायु अनुकूलित कृषकमैत्री प्रविधि, धान उत्पादन वृद्धि’ मूल नाराका साथ आज २० औँ राष्ट्रिय धान दिवस तथा रोपाइँ महोत्सव जीवन विकास लघुवित्त वित्तीय संस्थाको सुनसरी जिल्ला अन्तर्गतका १० ओटा शाखाले जिल्ला भरि आफ्ना सदस्यहरु सँग दही चिउरा खाँदै धान रोपाई गरी हर्सो उल्लासका साथ मनाएका छन्।
किसानहरूको सारथिको रुपमा चिनिएको जीवन विकास लघुवित्त वित्तीय संस्था लिमिटेडले आयोजना गरेको धाण रोपाई कार्यक्रममा हर्सो उल्लासका साथ सदस्यहरु , स्थानीय किषान र कर्मचारीहरु सहित जिल्ला भरिका ४५० जना सहभागी भएका थिए।
कृषिप्रधान देश नेपालमा खाद्य सुरक्षाको प्रमुख आधारका रूपमा रहेको धानको उत्पादनलाई महत्व दिँदै आएका कारण सरकारले असार १५ राष्ट्रिय धान दिवसका रूपमा मनाउँदै आएकोले जीवन विकासले पनि विगतका दिन देखि नै विभिन्न कार्यक्रमको आयोजना गरि यो दिवस मनाउदै आइरहेको जिवन विकास लघुवित्त वित्तीय संस्था लिमिटेड सुनसरीका प्रमुख निराजन कुमार साहले जानकारी दिनुभयो।
