तस्विर : नमो अनलाईन
इनरुवा । नेपाली काङग्रेसका केन्द्रिय सदस्य राजिव कोइरालाले सोमबार कोसी गाउँपालिकामा भएको आगलागी पीडितको अवस्थाको बिषयमा निरीक्षण गर्नुभएको छ ।
आइतबार कोसी –३ नहर चौकमा आगलागीमा परेर ठुलो धनजनको क्षति भएको बिषयमा केन्द्रिय सदस्य कोइरालाले निरीक्षण गर्नुभएको हो ।
आगलागीमा भएको धनजनको क्षति, आगलागीको कसरी भएको हो, आगलागी भएपछि पीडित परिवारको अवस्था, घाईते भएका चौपयाको अवस्था, उपचारको प्रक्रिया लगायतको बिषयमा जानकारी लिनुभएको हो ।
निरीक्षणका क्रममा पशु चिकित्सक डाक्टर मोहन सिंहले आगलागीमा घाइते पशु चौपायाको बिषयमा जानकारी गराउनुहुदै उपचार गर्ने कार्य भइरहेको जानकारी दिनुभयो । सोही क्रममा नेपाली काङग्रेस सुनसरीका सभापति एवम् इनरुवा नगरपालिकाका प्रमुख केदार भण्डारीले समेत आगलागी भएको क्षेत्रको निरीक्षण गर्नुहुदै पीडित परिवाको अवस्थाको बिषयमा जानकारी लिनुभएको थियो । निरीक्षण पछि पीडित परिवारलाई जाडै राहतका लागि सम्बन्धीत निकायमा पहल गर्ने नेताद्धयले अश्वासन दिनुभयो । नेता कोइरालाले पीडित परिवारलाई तत्काल राहत उपलब्ध गराउनका लागि नेपाल रेडक्रसोसाइटी सुनसरीलाई आग्रह गर्नुभयो । आइतबार भएको आगलागीमा ५० लाख भन्दा बढीको क्षति भएको छ ।
स्थानीय कादिर मियाँको घरबाट विद्युत सर्ट भई आगलागी हुँदा मियाँका साथै उहाँको बुबा महम्मद अन्सारी र दाई अबुल कलाम, छिमेकी रशिद अन्सारी, इरफान अन्सारी, समला बानो अन्सारी, आरिफ अन्सारी, इस्माइल अन्सारी, समिउल्लाह अन्सारी र जैनुदिन अन्सारीको गरी फुस र टिनको घरका साथै भान्सा घर र गोठालो गरी १८÷२० घर जलेर नष्ट हुदा सो बरावरको क्षति भएको हो ।
आगलागीमा नगद सहित, धान, गहुँ, चामल, गरगहना, लत्ताकपडा, चौपाया गरी अन्दाजी ५०÷५५ लाखको क्षति भएको स्थानीयवासीको भनाई रहेको छ । अग्नी पीडित परिवारलाई बिभिन्न निकायले राहत उपलब्ध गराउदै आएको स्थानीयवासीले बताएका छन् ।
