तस्विर : नमो अनलाईन
हरिनगर । कोशी प्रदेश अन्तर्गत सुनसरीको हरिनगर गाउँपालिका वडा नं. ४ मा अवस्थीत आशा लघुवित्त वित्तिय संस्था लिमिटेड शाखा कार्यालय हरिनगरले १ दिने वित्तिय साक्षरता तथा केन्द्र प्रमुख गोष्ठी कार्यक्रम सम्पन्न गरेको छ ।
हरिनगर गाउँपालिका वडा नं. ४ का वडा अध्यक्ष देवनारायण मेहता प्रमुख अतिथि रहेको उत्त कार्यक्रममा संस्थाकी सदस्य सुसिला देवी झा सभा अध्यक्षको रुपमा रहेको थियो ।
उक्त कार्यक्रममा विभिन्न केन्द्रहरुबाट केन्द्र प्रमुख, उप प्रमुख, सदस्य र अविभावक गरि जम्मा ७० जनाको उपस्थिति संगै , शाखाको सबै कर्मचारी तथा केन्द्रीय कार्यालयबाट अनुगमन तथा असुली अधिकृत नन्दु महतो तथा कार्यक्रम सँयोजक ध्रुवनारायण यादव लगायतको उपस्थिति रहेको थियो ।
उक्त कार्यक्रममा साना तथा मझौला ब्यापारी कृषक महिलाहरुलाई विशेष गरी लघुवित्त कर्जा, बचत, विमा, विप्रेशन सम्बन्धि व्यवसाय दर्ता, व्यवसायको योजना, कर्जा सदुपयोगिता, वित्तीय व्यवस्थापन, व्यापार बिस्तार, महिला सचेतना, महिला सशक्तिकरण, लघुबित्तले समाजमा पारेको सकारात्मक भुमिका र बैकिङ सम्बन्धि महत्वपुर्ण जानकारी प्रदान गरिएको थियो ।
आशा लघुवित्त वित्तीय संस्थाले समुहमा आबद्ध सबै क्षेत्र र बर्गका साना तथा मझौला ब्यापारी, कृषकहरुलाई प्रोत्साहन, सचेतना र सशक्तिकरण गर्ने उदेश्यले यस्ता कार्यक्रम गरिएको र आगामि दिनमा पनि यस्ता वित्तीय साक्षरता कार्यक्रमहरु संचालन गर्दै जाने हरिनगरा शाखाको शाखा प्रमुख ध्रुवनारायण यादवले जानकारी दिनु भयो ।
उक्त कार्यक्रममा अनुगमन तथा असुली अधिकृत नन्दु महतोले सहभागीहरुलाई प्रशिक्षण दिएका थिए ।
हरिनगराको बाबा वासुकी नाथ मन्दिरको सभाहलमा सम्पन्न भएको उत्त कार्यक्रममा उपस्थित प्रमुख अतिथि, विशिष्ठ अतिथि, अतिथि तथा उत्कृष्ठ केन्द्र , उत्कृष्ठ बचत कर्ता तथा उत्कृष्ठ ऋणिहरुलाई प्रसंशा पत्र, खादा, माला र मायाको चिनो प्रदान गरी सम्मान समेत गरेको थियो ।
