देवानगञ्ज। सुनसरीको देवानगञ्ज गाउँपालिकाका किसानलाई सिंचाइ गर्न सहजताका लागि विद्युत् मोटर वितरण गरेको छ। खुशी किसान देवानगञ्जको पहिचान नारा अन्तर्गत देवानगञ्ज गाउँपालिकाका ७ वटै वडाका किसानलाई मोटर वितरण गरेको हो ।
नेपाल विद्युत् प्राधिकरण र गाउँपालिकाको साझेदारीमा किसानको खेतखेतमा विद्युत् विस्तार गर्ने कार्य भई रहेकै वेला गाउँपालिकाले मोटर वितरण गरेका छन् । गाउँपालिकाले माग गरेको निवेदन अनुसार पालिका भित्रका ३२४ किसानबाट माग निवेदन आएकोमा ती किसानलाई मोटर वितरण गरेको जनाएको छ । देवानगञ्ज गाउँपालिकाका अध्यक्ष बेचनप्रसाद मेहताले पहिलो चरणमा वार्ड नं १, २ र ३ का कृषकहरुलाई मोटर वितरण गरेको जानकारी दिनुभयो ।
त्यस्तै दोस्रो चरणमा ४,५,६ र ७ नं. वडाका कृषकहरुलाई क्रमशः मोटर पम्प वितरण गरेको बताउनुभयो । उहाँले किसानको सहजताको लागि पहिलो चरणमा खेतखेतमै विद्युत् विस्तार गर्ने कार्यको सुरुवात गरेको र त्यसपछि मोटर पम्प ३२४ जना कृषकहरुलाई सिंचाइ मोटर पम्प वितरण गरेको बताउनु भयो ।
