तस्विर : नमो अनलाईन
इनरुवा । नेपाल–भारतको सीमासंगै रहेको सुनसरी जिल्लाको मुख्य नाका कोसी–८ भण्टाबारी स्थित तीनकुनेमा आज राष्ट्रिय झण्डा फहराइएको छ ।
सुनसरीका प्रमुख जिल्ला अधिकारी जयनारायण आचार्यको बिशेष पहलमा सीमा क्षेत्रमा राष्ट्रिय झण्डा फहराइएको सुनसरीका प्रहरी नायव उपरीक्षक नविनकृष्ण भण्डारीले जानकारी दिनुभयो ।
राष्ट्रिय झण्डा सबै नेपालीको मान, सम्मान एवंम स्वाभिमान प्रतिविम्ति गर्ने भएकाले आवश्यकता अनुसार निर्माण गरिएको प्रमुख जिल्ला अधिकारी आचार्यले बताउनुभयो ।
सीमा नाकामा देखिएको समस्या समाधान गर्ने तर्फ आफ्नो ध्यान केन्द्रित रहेको बेलामा जिल्ला सुरक्षा समितिले सुरु गरेको सीमा क्षेत्रको पैदलयात्राको क्रममा भारत तर्फको सीमा क्षेत्रमा भारतको भण्डा भएको र नेपाल तर्फको सीमा क्षेत्रमा झण्डा नभएका बेलामा राष्ट्रिय झण्डा राखिएको प्रजिअ अर्चायले बताउनुभयो ।
आगामी दिनमा पनि सुनसरीका बिभिन्न सीमा नाकामा राष्ट्रिय झण्डा राख्ने सुनसरी प्रशासनले जनाएको छ ।
कार्यक्रममा कोसी प्रदेशसभा सदस्य हाजी इस्राइल मन्सुरी, नेपाली काङग्रेस सुनसरीका सचिव बीरेन्द्र शाह, कोसीका अध्यक्ष ऐयुब अन्सारी, उपाध्यक्ष अनितादेवी यादव, सुनसरीका प्रहरी प्रमुख प्रहरी उपरीक्षक बीपिन रेग्मी, सशस्त्र प्रहरी प्रमुख, सुनसरी भन्सार कार्यालयका निमित्त प्रमुख लगायतको सहभागीता रहेको थियो ।
