तस्विर : नमो अनलाईन
बिराटनगर । नेपाल दृष्टि विशेषज्ञ संघको नयाँ कार्यसमिति कोशी प्रदेश स्तरीय गठन भएको छ ।
शनिबार संघका कोशी प्रदेश अध्यक्ष पंकज राय अधिकारीको अध्यक्षता तथा संघको केन्द्रीय अध्यक्ष निरज देव जोगीको प्रमुख आतिथ्यतामा सम्पन्न भएको कार्यशाला गोष्ठीमा नयाँ कार्यसमिति गठन भएको हो ।
भेलामा कोशी प्रदेशका दृष्टि बिशेषज्ञहरुको उल्लेख्य उपस्थिति रहेको थियो। आँखा, चस्मा तथा उपचार र परामर्शका बिषयमा आउने समस्या, त्यसको समाधान र पेशागत हितलाई देशको स्वास्थ्यका सन्दर्भमा गर्न सकिने विभिन्न बिषयमा छलफाल सुझाव तथा परामर्श र निचोड माथि छलफल समेत गरिएको थियो ।
८० जना भन्दा बढि कोशी प्रदेशका दृष्टि बिशेषज्ञहरु सहभागी रहेको भेलाले आगामी कार्यकालको लागि अजित कुमार ठाकुरको अध्यक्षतामा १३ सदस्य नयाँ कार्यसमिति गठन गरेको छ। नयाँ कार्यसमितिमा उपाध्यक्षमा अमितकुमार मेहता, सचिवमा राकेशकुमार साह, कोषाध्यक्षमा संजीव कुमार यादव, सहसचिवमा सञ्जयकुमार साह सदस्यहरुमा मनोज कुमार सुनम, राजेश कुमार मेहता, सुबोध कुमार साह, अखिलेश मण्डल, निर्मला चौधरी, गौरव राई, मनोज शर्मा लगायतको चयन भएको छ।
उक्त भेलामा संघका मधेश प्रदेश अध्यक्ष रविशंकर चौधरी, उपाध्यक्ष विकास साह, सचिव अविनाश झा, सहसचिव शिवनरेस गुप्ता, कोषाध्यक्ष राकेश मण्डल लगायतको उपस्थिति रहेको थियो ।
