तस्विर : नमो अनलाईन
इनरुवा । इनरुवा नगरपालिकाका प्रमुख केदार भण्डारीले शिक्षासंगै बालबालिकाका लागि खेल पनि महत्वपूर्ण बिषय भएको बताउनुभएको छ ।
सुनसरी सदरमुकाम समेत रहेको इनरुवा नगरपालिकाको आयोजनामा आजबाट सुरु भएको राष्ट्रपति रनिङ्ग शिल्ड प्रतियोगीता २०८० को उदघाटन कार्यक्रमलाई सम्बोधन गर्नुहुदै प्रमुख भण्डारीले सो कुरा बताउनुभएको हो । आफ्नो पहिचान, प्रतिष्ठा बनाउनुका साथै राष्ट्रिय तथा अन्तराष्ट्रिय क्षेत्रमा चिनाउनका लागि शिक्षासंगै खेल पनि महत्पूर्ण रहेको बताउनुभयो ।
देशको अवस्था धरै सुद्धिढ हुदै गएको बेलामा शिक्षा, स्वास्थ्य तथा खेलकुदको अवस्था समेत सुदृढ हुदै गएको उहाँले बताउनुभयो । पढाईले मात्र नपुगने भएकालृे खेल क्षेत्रमा समेत बालबालिकालाई अगाडि बढनका लागि आग्रह गर्नुभयो । उहाँले शुक्रबारका दिन अनिवार्य रुपमा बिद्यालयमा खेलकुद गराउनका लागि आग्रह गर्नुभयो । उहाँले शिक्षासंगै खेलकुद क्षेत्रमा इनरुवा नगरपालिकाले बिषेश बजेटको व्यवस्था गरेर अगाडि बढाउने सोचका साथ नगरपालिकाले अगाडि बढिरहेको बताउनुभयो ।
कार्यक्रममा इनरुवा नगरपालिका क्षेत्रमा रहेका निजि तथा सामुदायिक बिद्यालयका माबिमा अध्यनरत बालबालिकाले भाग लिएका छन् । ३ दिन सम्म हुने प्रतियोगीतमा भलिवल, कवडी, एथ्लेटिक्स लगायतका खेल हुने इनरुवा नगरपालिकाका शिक्षा शाखा प्रमुख डिल्ली निरौलाले जानकारी दिनुभयो । प्रतियोगीतामा सहभागी भएका मध्यै उत्कृष्ट भएकालाई जिल्ला स्तरीय खेलका लागि छनौट गर्नेछ । उदघाटन कार्यक्रममा इनरुवा नगरपालिकाका प्रमुख भण्डारीसंगै, उपप्रमुख बिनिताकुमारी मेहता, प्रमुख प्रशासकीय अधिकृत अग्नी प्रसाद अधिकारी, सुनसरीका सहायक प्रमुख जिल्ला अधिकारी बेदराज फुयल, बिद्यालयका प्रधानाध्यापक, शिक्षक, सुरक्षाकर्मी संचारकर्मी लगायतको सहभागीता रहेको थियो ।
