हरिनगर । सुनसरीको दुहबी ७ भलुवा खेलमैदानमा संचालन हुने नवौं भलुवा गोल्डकप फुटबल प्रतियोगिताको सम्पुर्ण तयारी पूरा भएको छ । भोली बिहिवारबाट संचालन हुने प्रतियोगिताको सम्पुर्ण तयारी पुरा भएको भलुवा गोल्डकप टुर्नामेन्ट समितिका अध्यक्ष शिब कुमार बिश्वासले आज पत्रकार सम्मेलन मार्फत जानकारी दिएका छन् ।
प्रतियोगितामा भारतीय फुटबल क्लब युनाईटेड खर्साङ फुटबल क्लब भारत तथा राष्ट्रिय, स्थानीय सहित १० वटा क्लबले प्रतिस्पर्धा गर्ने आयोजक क्लब गोल्डेन स्टार युथ क्लबका अध्यक्ष अनिल कुमार बिश्वासले बताए।
जेठ २० गतेसम्म संचालन हुने फुटबल प्रतियोगितामा मनोहरा फुटबल क्लब काठमाडौं,प्लानीङ ब्याइज युनाईटेड काठमाडौं, बिरगंज युनाईटेड पर्सा, सहलेश युथ क्लब सिराहा, झापा ११ झापा, रारा फुटबल क्लब धनकुटा, ब्याइज फुटबल क्लब इटहरी लगायत आयोजक क्लब गोल्डेन स्टार युथ क्लब भलुवा र मेमोरी युवा क्लब दुहबी बिच प्रतिस्पर्धा हुने जनाइएको छ ।
बिजेता टिमले उपाधी सहित नगद ४ लाख सिल्ड मेडल प्राप्त गर्ने छ । उपबिजेता टिमले नगद २ लाख सहित सिल्ड मेडल प्राप्त गर्ने छ । विभिन्न विधा तर्फ उत्कृष्ट हुने खेलाडीहरूलाई समेत पुरस्कृत गरिने र प्रतियोगितामा ४४ लाख खर्च हुने आयोजकले जनाएको छ ।
