तस्विर : नमो अनलाईन
देवानगञ्ज । सुनसरीको देवानगञ्ज गाउँपालिकामा पुस २५ गते वातावरण संरक्षणको लागि सरोकारबालाको भुमिका विषयक अन्तरकृया कार्यक्रम सम्पन्न भएको छ ।
अनौपचारिक क्षेत्र सेवा केन्द्र कोशी विराटनगरको सहयोगमा मानव अधिकार समूहको आयोजनामा सम्पन्न भएको कार्यक्रमका सरोकारबालाहरुले वतावरण संरक्षणमा जोड दिएका छन् ।
कार्यक्रममा इन्सेक कोशी प्रदेश अधिकृत बागमती कट्टेलले भावी पुस्ताका लागि अमूल्य र विशिष्ट जीवजन्तु तथा वनस्पति, वन क्षेत्रको संरक्षण गर्दै सुन्दर भविष्य सुनिश्चित गर्नुपर्ने बताउनुभयो । उहाँले देवानगञ्जमा सिङ्गो गाउँबस्ती, सामाजिक, आर्थिक, विकास गर्ने लक्ष्यप्रति प्रतिवद्ध भई त्यसलाई महत्वपूर्ण अवसरका रूपमा सदुपयोग गर्नुपर्नेमा जोड दिनुभयो । उहाँले प्रकृति तथा मानव बीचको सम्बन्ध अभिन्न अङ्ग रहनाले स्थानीय समुदायले विद्यालय, सडकबाटो सहित वन र जमिनको संरक्षण गरी वातावण संरक्षणमा गर्नुभएको योगदानको कदर गर्नुपर्ने बताउनुभयो ।
शिक्षक फागु मेहताले वतावरण संरक्षण चुनौतीपूर्ण विषय भएकाले सबैको हातेमाले गर्नुपर्नेमा जोड दिनुभयो । अधिकारकर्मी निरु मेहताले गाउँमा वतावरण संरक्षणका बारेमा सचेतना आवश्यक रहेको बताउजनुभयो ।
यसैबीच सरोकारबालाहरुको भेलाले देवानगञ्ज वातावरण संरक्षण सहयोग समिति रेखा सरदारको अध्यक्षतामा १३ सदस्य समिति गठन गरेको छ । समितिका उपाध्यक्षमा सवनव खातुत र सचिवमा अमनकुमार यादव चयन हुनुभएको छ । त्यसैगरी सदस्यहरुमा फागु मेहता, जयप्रकाश पासवान, कोरेशा खातुन, पवन यादव, सरिता राम, रामकुमार पण्डित, निरु मेहता, रुवि साह र गुलावचन्द मेहता सहित रहनुभएको छ । कार्यक्रममा शिक्षा शाखा प्रमुख राजकुमार मेहताले गाउँलाई स्वच्छ, सफा र सुन्दर बनाउन यस्ता कार्यक्रम प्रभावकारी हुने उल्लेख गर्नुभयो । सहभागी रुवी साह, मानव अधिकार समूहका अध्यक्ष राजकुमार मण्डल, इन्सेकका सहजकर्ता दिपेन्द्र झा, जनप्रतिनिधिहरु, शिक्षक, बाल अधिकार समूहका सदस्यहरुको उपस्थिति रहेको थियो । यसैबीच सबै सामुदायिक विद्यालयमा अध्ययनरत बालबालिकाहरुले स्वच्छ वातावरणमा बाँच्न र पढन पाउने अधिकार सुनिश्चित गरिनुपर्ने भन्दै कार्यक्रम चलाएको झाले बताउनुभयो ।
